Ako će nan pederi stavit barikadu prema EU, ja ću prvi zavopit – živili pederi!

Mujo i Haso seljaki, dugo od velega groda i slabih navadnic, ma niki je vajka malo bistriji  školovon, a oni drugi, Bože moj, saki je kakovega je Boh do – ne triba se jedinemu rugat. Tako naš Mujo ki ni paso nike škole i ni na gusto va velen mesti, pito Haseta da ča je to peder, aš je siromah bi va velen grodi i je tu besedu ču na saken koraki. Hasetu je to malo bilo nezgodno objasnit, pa je onako malo sramežljivo i šćucajuć malo na okoli pravo mu pravit. Je reka Haso: „Znaš Mujo, kako da ti kažem, ma to ti kažu, bolan, za one … ma koji ti idu sa muškima. Svaćaš?“ Na to će njemu brižan Mujo, kemu se je va šekundu lampadina važgala i po mrok na oči: „Auuuuu, Haso, svaćam - svaćam, kako nebi – samo po ovome kako mi ti veliš, bit će da je i moja Fata peder!“ Eko, malo smo škercali na račun Mujeta i Haseta, ma pederi su ozbiljna stvor, smo to vidili ove dneve.

Jedon čovičić mi se je potuži, valja bi moga bit „njihov“, da ni lipo da hi zovemo pederi, aš da oni jedinega ne deru, da oni samo ljube i da bi bilo najbolje da hi zovemo guzoljupci, a to je i kako beseda va duhi hrvockega zajika.

Ma nu, pusmo ća mi Mujeta i Haseta, a i Fatu – imamo mi tu posla s pederi, tako je zahtjeva da hi zovemo njihov predstavnik, ki je na Hr-dalekovidnici dobi celu uru vrimena. Reka je da se oni med sobun zovu pederi i lezbe i da su to najtočniji nazivi za njih. Čelnik pedera je reka čuda tega, ali tri stvori bin spomenu. Reka je da je va Zagrebi pila parada ponosa, da je to va Zagrebi bila pobjeda (valja pedera i lezbi?) i da bi rada usvojit dite, jer je i on plod heteroseksualne zajednice (joj mene, joj).
Kako prvo da rečen, da nisan za jedino nasilje, pa ne moren nikako podržat nike parole antipederskega okupljanja va Spliti, samo i gospoda pederi i gospođe lezbe bi tu svoju feštu mogli storit na drugi način i ne rivat svoju guzičinu jedinemu pod nos. Somi priznaju da su manjina (Bogu fala), na nebi tribali provocirat većinu. Ča bi se zapravo desilo da si mi ostali organiziramo paradu normalnih ljudi i da nas se va ZG-u okupi četiri i pol miljuni i da vapimo:„Mi nismo pederi, mi nismo lezbe“? Valja bi cela EU skočila na noge, aš da mi tamo va nikoj Hrvockoj teroriziramo, njin tako bitnu, manjinu.

Povorka ponosa? Ne kapin ki se to ponosi i s čin se ima ponosit? Pa to je obična parada ludosti i gluposti, ako su to ča govore da su, meni ne smeta neka stanu tamo kadi hi jedini ne vidi i ne čuje – pa neka se jebu i neka se ljube i neka se ližu, a neka normalni svit puste na miri. Istina, meni bi bilo normalnije, kad već pederi i lezbe nastupaju skupa, da se malo i pomišaju, pa biju valja shvatili i jeni i drugi do su do sada bili na „krivoj adresi“.

Samo, koliko smo mi kako društvo gnjilo i ljigavo, kad se domislin kako smo pred por let bili spremni osudit jenega poznatega čovika, samo zato ča je na dvi i pol ure zad pol noći, va svojoj vikendici, na niken otoki brusi jenu mlodu divojku - ka ni bila maloljetna i ka se ni tužila da je to bilo kontra njene volje. Cela država je brujila za ti „skandal“, namesto da  pitamo tega novinara ča je tu dobu noći dela va niken ljučken vrti pod pergul.

Šef pederfesta je reka i da je to va Zagrebi bila pobjeda. Opet ne kapin, a kega su to oni pobjedili, pa ni jedinega bilo na drugoj bondi, paradirali su somi, ne moremo baš uveličavat tu šačicu slučajnih prolazniki, ka hi je va jenen miljunsken grodi gledala. Mislin da njin se je većina zapravo odmaknula i pomalo ih ignorirala, bi reka naš narod da se munjenemu i voz odmakne.
Ono okoli usvojenja diteta bolje ne spominjat, ali ako si toliko želiju dite – neka si ga on i njigof partner storiju. Ako su na fatih, kako na besedah – to će njin bit lahko.

Jenu stvor nebiju ti pederi i lezbe smili zobit, ta nihov „pir“ je ovi brižan narod ploti dvo miljuni kunic, a va Spliti još miljun – toliko je kuštalo osiguranje, kako smo rivali čut. Koliko bi se lačnih ustah najilo s tolikimi šoldi? Poglejmo anke pravila ke važe za se nas ostale, kad bi nika mudra glava utila storit kakov pametan skup, policija najprvo procijeni rizik i obaveže organizatora da osigura toliko i toliko redara. Kad su pederi u pitanju – onda ih država osigurava, opet valja da bi kuntentala njihove EU „kolege“. Da ne spominjen da nika mudra glova ni slučajno ne more na našoj dalekovidnici dobit ni minut vrimena, a šef pederfesta je dobi celu uru! Moguće da će to glavni urednik još dodatno odbit od obrazovne kvote programa.

Ja, skoro san pozobi. EU bijondina nan je održala lekciju ča Dalmatinci nimaju rada pedere. Ne kapin zoč je je to toliko potreslo, ona mi nanke malo ne spodobi na pedera. Zajno je rekla da ćeju nas morat pratit to vrime dokle koraknemo va tu EU. Će nas pratit i peljat onako za rukicu, kako ča se i pederi pelju. Ma neka nas prate koliko će, mi smo navadni na UDBE seh vrsti, pa ni EU UDBA nan ne more posebno naudit.

Ja, san nazad skoro pozobi reć da i pederi i EU bijonda moru spat na miri. Mi imamo Zakon o manjinami, pa ćemo joko lahko ga primjenit i na pedere. Kad primjenimo ti Zakon ćemo pedere stavit i va izvršnu vlast i va predstavnička tijela i to se od naših općinah pa do vrha države. Niki bi forši reka da su pederi već na vlasti i da to nanke ne triba posebno naglašavat, ma sada ćemo to i zakonski amenovat, pa će i EU bijonda bit kuntenta.

Kako je ta EU bijonda bila pronta škopijat pokle splitske parade „ponosa“, more bit da je se to zapravo organizirala EU udruga pedera, ali ni to ni važno – ako su oni ti ki će nan stavit barikadu prema Evropi, ja ću prvi zavopit – živili pederi! (Klaudijo Lazarić)