Jebeni tekst prez jebenega naslova

Va onen pasanen sistemi je se bilo med i mliko i jedini se ni buni, a oni put je opet ništo počelo kuhat, pa je Bože pito Jožeta da ča se to poli njega zbiva i ča se je to kambijalo i zoč mu se to narod miša. Jože se ni nanke malo stresa, samo je mirno odgovori: „Ni problema, Bože moj, daj ti malo od zgora s potreson, ću ja malo od zdola z porezon, pa ćeš vidit kako ćeju se moj narod umirit!“

JEBENI ZAKON No1

Danaska, trejset-kornar let pokle govori jedon ministar drugemu, onako spod glosa va Sabornici: „Samo ti porivaj ta jebeni zakon, pa ćemo mi…“

Alora, tako su med sobun va Sabornici šoto voče govorili dvo ministra HV (Hrvocke Vlade), moremo si mislit kako tek ministri govore kad ni jedinega blizu, kad su na somo, a? More bit da je nastavak diškorša bi otprilike, „… pa ćemo mi jebenemu narodu jebat mater“.

Tako će nan se fato i trefit, ako ni to već postalo „izvršno“, bimo rekli. Samo ne vidin nike vele razlike, med onin razgovoron Božeta i Jožeta i ovega današnjega diškorša med dvo jebena ministra, ako se malo moren koristit z njihovin riječnikon.

Vlada sada prontiva i jebeni Zakon o naplati jebenega poreznega duga. To je super, najavili su i jebenu ovrhu upornim jebenin neplatišami, ki imaju i jebene miljune duga za jebeni porez. Interesantno je da jedini ne pita kako je moguće imat jebeni miljun poreznega duga? Samo da van rečen da mi je niki don prišlo jebeno pismo od jebenega advokata i jena jebena opomena, aš da va jenen velen istrijonsken jebenen grodi nisan ploti jebeno parkeđo i da će bit pokrenut jebeni postupak ovrhe, ako va ten i ten jebenen roki ne plotin jebeni duh.

JEBENI ZAKON No2

Jebeni ministri prontuju i zakon o homićima i ljudi se uglavnom čude da ča to delaju. Meni, da van pravo rečen, to ni ni najmanje iznenadilo, ja to kapin, pa vajka svoj svoga pomore i ne smimo njin zamirit. Naravno da ćemo svi zdušno ta jebeni zakon podržat, kad su to istovrimeno i stečevine jebene Evrope. Da se kapimo, Boh je žbaljo kad je stori Evu i Adama na sejnoj jebenoj planeti - bimo rekli na ovoj jebenoj zemlji. Triba je storit dvo jebena Adama tu na jebenoj Zemlji, a dvi jebene Eve nideri na jebenen Marsi. Takovo rješenje bi imalo dvostruku jebenu koris. Jebena Evropa i Vlada RH bili biju kuntenti, a jebeni Adam i Eva nebi se nikad rivali svadit. Da se kapimo, si ćemo podržat ta Zakon o homićima, odnosno o istospolnim zajednicama, kako su ta jebeni zakon Naši nazvali, a i ja stvarno ta jebeni zakon podržavan, aš ta jebeni svit najbolje da se zatare, kad je porti – kako je porti. Bi reka moj pretel, fucken pozition!

Va sen ten, naša je Vlada jebeno kuntenta, poglejte samo Premijera i Prvega, oba dvo su jebeno nasmijani kadi godar se pojove – bimo mogli anke reć kako imamo jebeno smišne ministre, škoda je samo da se ta jebena srića ne prenese na jebeni narod. Ste me kapili, kad san reka posebi „premijer“, a posebii „prvi“? Da ne bite mislili da je premijer ništo fucken evropsko, a da je „prvi“ ništo jebeno naše. Ne, to je se jebeno naše, samo ča je fato čuda jebenih ljudi ki se sejno zoveju, pa je jebeni čovik uti dodat uz jebeno ime i jebeni broj, kako znak jebenega raspoznavanja. Naši noneti su pametili Franza Josip Prvega, a eko mi sada gledamo jebenega Radimira Čačić Prvega, ja bin doda i Smišnega. Va sejno vrime anke narodu moramo dodat niki jebeni znak raspoznavanja, pa jebene građane Hrvocke va drugen desetljeći jebenega dvajsetiprvega vijeka moremo nazvat Jebeni Razočarani i Prevareni Hrvocki Građani.

EX & SADAŠNJI I GRAMATIKA

Čujen da su se ovih dnevih trefili ex-premijerka i aktualni premijer i da su ćakulali o pravopisu i gramatiki. Zapravo da su jedon drugega pravali propitali kako glasi konjugacija glagola srati. Kako je premijer provi jebeni kavalir, prednost da reče svoje je prepusti dami, a ona je navodno rekla: „Ja san srala, ti sada sereš, on (ona,ono) ti pomoru“. Va množini, po njeno bi to bilo: „Mi smo srali, vi sada serete, oni seru li ga, seru“. Onda je premijer navodno reka svoju verziju gramatike: „Ja sada seren, ti si svoje usrala, on ti je pomoga“, a u množini da je to bilo ovako: „Mi ga seremo, vi ste usrali - smrdi još i danas, oni se još natežu“. Uf, jebene su ovo ćakule bile. Ner zamirite, molin vas mojen naturalističkemu izvješću.

JEBENI NOGOMET

Va jebenen nogometi je se super, kako i va celoj, neću reć kakovoj, Hrvockoj. Tamo se smije jebeni Mamić i njemu je se smišno, kako je sin jebenin ministron. On je konačno riješi se jebene probleme va našen jebenen nogometi. Jebeni precjednik Nogometnega saveza ni uti nikako „pustit mlajin“, a s jebenin Mamićen se je do sada slogo kako jebena guzica i stomanja. Sada se je Mamić štufo jebene store guzice i je reka da jebeni precjednik triba podnes jebenu ostavku, ako to ne stori – da jebeno žbaljiva i da to ne more finit dobro. Mislili smo najprvo da je to niki jebeni škerac, ma za samo kakof jebeni don rivala je i precjednikova jebena ostavka, ku smo do sada mogli samo sanjat. Tu ni kroj jebene štorije, nego je Mamić već složi su jebenu križaljku i ki će bit jebeni budući precjednik i ki će bit jebeni budući izbornik i ki zno ča se još. Najbolje bi bilo da Mamića stavimo za jebenega Premijera, ali neka on zajno kambijiva i jebenega Prvega i se jebene ministre, kad imamo njega mi nimamo jebene potribe zad bilo kin drugin. Kad mu bude ki slučajno zasmeta, on će mu jednostavno reć jebeno mučko đubre, prljav si, smrdiš, ne znaš se ni oprat, neškolovan si i još i lažeš…proklet bio na…, pa će još dodat, nabijem vas se na ku…

Do čera je takof vedri i obloči samo va jebenen Dinami, sada već pilotira va jebenen Nogometnen savezi, jutri je njigova sa Država! Za sada još vajka neću reć jebena, ma ako vakovi budu zeli jebeno kormilo… (Klaudijo Lazarić)