TATA!

Dal sa fićo, il sa Reno 4, ti si vajk ime lazno za smanun čakulat, za poškercat, a najraji za zakantat!
Ke so to vremena bila…
A i ja son mića bila.
Pasiva vreme, pasivajo leta... danas si šo ti, jutre ćun ja.
Fala Bogu da gre po rede, bi vajk govorila moja draga nona, tvoja mat.
S ko ćeš, na žalost, al kad već tako mora bit, na velo mojo radost, sada spat.
Tata, spi na mire, ja ćun vajk note pensat!
Fala semi ljudi ki so te štimali i onemi ki so te prišli na zadnjo tvojo pusteljo kumpanjat.
Fala tvojemi preteli lohcari ki so mi s oni tiri storili škerac diboto da će mi srce škopjat.
Fala Mladenu na lepemi besedami, fala Dragetu i kumpanije muzikanti ki so te kumpanjali propijo kako se prista.
Fala mojemu „Šćurketu“ ka te je voli i „trpe“ od mladosti, koko i ti njega.
Fala ca si mojemu sinu bi otac.
Fala ti tata ca si me stori i ca si postoja.

Voli te tvoja KRISTINA