'Na deset i po u večer iz Čabrunići drito za Sarajevo'

"I kako ća smo prikučera ubećali, rinjeni parolon „črnega brata s Pehlina“, skije smo „na istok obrnuli“ i partili drito na Jahorinu. Sve je počelo besidan poli Vlade prije dvi šetimane u lavanderiji, kadi su se pominjali on, Buki i Labinjon da bi tobože mogli poj na snig u Bosnu aš su doprte staze i oštarije anke. Ala šu, nu, ča bi pošli viti, lipo je poli nih. Homo. I tako se u klubu pominjalo ki bi poša, ki ne more... Pet najhrabrijih i štabelih Istrijana iz kluba je reklo Da. Pak su se juštali i čera partili. Saša, Vlado, Buki, Mauro i Sandro su valje našli lušu črnu veturu, vrgli takamake na boke i gas. Na deset i po u večer iz Čabrunići drito za Sarajevo. Rivali su ujutro, popili kafe i pak na snig. Fatipošta su se inbatili u Vasu i Sanju z najmanjin članon kluba. I eko fešte. Za svin ča je Korona, nismo rivali zatrti užancu da bar niki od nas, almeno po šetimane skija. Eko par litratih iz komšiluka. Kuraja.", objavili su 4. veljače iz Ski kluba Istra. (Foto: Facebook Ski klub Istra)